__బెందాళం క్రిష్ణారావు
----------------------------------
మనువాదానికి సామ్రాజ్యవాదం తోడై
ప్రపంచీకరణ నీడై
అవధులు లేని స్వార్ధంలో
కనుమరుగైపోతున్న మనిషితనంలో
చిత్రహింసల పాలౌతున్న సగంలో ‘ఆమె’
అనాది కాలం నుంచీ
ఆధునిక జీవనం వరకూ
ఆమెది నిత్యం క్షతగాత్రగానమే
పెట్టుబడిదారుల కబంధ హస్తాల్లో చిక్కి
కొన ఊపిరితో విలవిల్లాడుతూ
ప్రసార మాధ్యమాల్లో మార్కెట్ సరుకౌతోంది
ఆమె శరీరమేకాదు, హృదయం కూడా...
ప్రపంచమంతా కుగ్రామంగా
మారిపోతున్న వేళ
తన జీవితపు పూరింట్లో
అగచాట్ల ఆటుపోట్లకు
రెపరెపలాడే మానవత్వపు
చిరుదీపపు వెలుతురును
చెదిరిపోనివ్వకుండా
సంరక్షిస్తోంది సమానత్వపు చేతులతో...
కుల మతాలుగా, వర్గాలుగా
తెగిపోయిన మనుషులు
విడిపోతున్న హృదయాల సాక్షిగా
చరిత్ర యవనికపై
మౌన చిత్తరువు కాదామె...
ఆమె....
జాతిని జాగృతం చేసిన
ఒక సైమన్ ది బోవర్
బతుకు పోరాటాన్ని
తీర్చిదిద్దిన గోర్కీ‘అమ్మ’
సామ్యవాద తత్వవేత్తకు
జీవనసహచరి జెన్నీమార్క్స్
శ్రామిక మహిళల పోరాటానికి
దిక్సూచి క్లారాజెట్కిన్
అతివల్లో అక్షర చైతన్యాన్ని
నింపిన సావిత్రీబాయి పులే
తెలంగాణ దొరతనానికి
ఎదురునిలిచిన ఐలమ్మ
సిక్కోలు విప్లవాగ్ని
రగిలించిన పంచాది నిర్మల
జాతివివక్షకు బలైన రోహిత్
మాతృమూర్తి రాధిక
ఆమె ఒక్కరు కాదు..ఒంటరి కాదు
అందరూ కలిసిన అన్నీ
ఆమె సమాయత్తమౌతోంది
కల్లోలిత సమాజం నుంచి
దూసుకొస్తున్న కాంతి పుంజంలా
విముక్తి గీతాన్ని విశ్వవ్యాప్తంగా
విప్లవ నినాదంలా మార్మోగించడానికి
విరామమెరుగక శ్రమిస్తోంది
తరతరాల భావదాస్యపు
బానిస బంధనాలు తెంచుకోవడానికి
బహుజన వర్గ చైతన్యంతో
సామాజిక సమతాదీపిక ధరించి
మనువుల రాజ్యంలో మానవిగా
విమోచన వైపు అడుగేస్తోంది.
```````````````````````````````
ఫొటోః విరసం (వెబ్ సైట్) సౌజన్యం తో
ఆధునిక జీవనం వరకూ
ఆమెది నిత్యం క్షతగాత్రగానమే
పెట్టుబడిదారుల కబంధ హస్తాల్లో చిక్కి
కొన ఊపిరితో విలవిల్లాడుతూ
ప్రసార మాధ్యమాల్లో మార్కెట్ సరుకౌతోంది
ఆమె శరీరమేకాదు, హృదయం కూడా...
ప్రపంచమంతా కుగ్రామంగా
మారిపోతున్న వేళ
తన జీవితపు పూరింట్లో
అగచాట్ల ఆటుపోట్లకు
రెపరెపలాడే మానవత్వపు
చిరుదీపపు వెలుతురును
చెదిరిపోనివ్వకుండా
సంరక్షిస్తోంది సమానత్వపు చేతులతో...
కుల మతాలుగా, వర్గాలుగా
తెగిపోయిన మనుషులు
విడిపోతున్న హృదయాల సాక్షిగా
చరిత్ర యవనికపై
మౌన చిత్తరువు కాదామె...
ఆమె....
జాతిని జాగృతం చేసిన
ఒక సైమన్ ది బోవర్
బతుకు పోరాటాన్ని
తీర్చిదిద్దిన గోర్కీ‘అమ్మ’
సామ్యవాద తత్వవేత్తకు
జీవనసహచరి జెన్నీమార్క్స్
శ్రామిక మహిళల పోరాటానికి
దిక్సూచి క్లారాజెట్కిన్
అతివల్లో అక్షర చైతన్యాన్ని
నింపిన సావిత్రీబాయి పులే
తెలంగాణ దొరతనానికి
ఎదురునిలిచిన ఐలమ్మ
సిక్కోలు విప్లవాగ్ని
రగిలించిన పంచాది నిర్మల
జాతివివక్షకు బలైన రోహిత్
మాతృమూర్తి రాధిక
ఆమె ఒక్కరు కాదు..ఒంటరి కాదు
అందరూ కలిసిన అన్నీ
ఆమె సమాయత్తమౌతోంది
కల్లోలిత సమాజం నుంచి
దూసుకొస్తున్న కాంతి పుంజంలా
విముక్తి గీతాన్ని విశ్వవ్యాప్తంగా
విప్లవ నినాదంలా మార్మోగించడానికి
విరామమెరుగక శ్రమిస్తోంది
తరతరాల భావదాస్యపు
బానిస బంధనాలు తెంచుకోవడానికి
బహుజన వర్గ చైతన్యంతో
సామాజిక సమతాదీపిక ధరించి
మనువుల రాజ్యంలో మానవిగా
విమోచన వైపు అడుగేస్తోంది.
```````````````````````````````
ఫొటోః విరసం (వెబ్ సైట్) సౌజన్యం తో
